Ўзбекистон Республикаси Давлат активларини бошқариш агентлиги
Самарқанд вилоят ҳудудий бошқармаси
w w w . s a m g k k . u z

 

Диққат! Диққат! Диққат! Барча юридик ва жисмоний шахслар, шу жумладан чет эл инвесторлари диққатига!

Ўзбекистон Республикаси Президентининг 2019 йил 4 январдаги “Электротехника саноатининг экспорт салоҳиятини янада ривожлантириш ва ошириш чора-тадбирлари тўғрисида”ги ПҚ-4090-сон қарорига мувофиқ “SINO” акциядорлик жамияти давлат акциялари пакетини инвесторларга танлов асосида “ноль” харид қиймати бўйича корхонанинг кредиторлар олдидаги қарзини тўлаш билан бир вақтда корхонанинг фаолиятини соғломлаштириш учун инвестициялар киритиш шарти билан бериш бўйича

 Т А Н Л О В  С А В Д О Л А Р И  Э Ъ Л О Н  Қ И Л И Н А Д И

Жамият номи

Юридик манзили

Фаолият ихтисослиги

Давлат акция пакети (фоизда)

Устав фонди миқдори (млн. сўм)

Дастлабки савдо санаси

Савдо ўтказиладиган кунлар

Инвестиция суммаси (млн. АҚШ доллар)

Инвестиция киритиш муддати

Яратила-диган иш ўринлари сони (нафар)

Қўшимча шартлар

1.

“SINO” АЖ

Самарқанд шаҳар, Спитамен кўчаси 270-уй

Электротехника ва электрмаиший маҳсулотлар ишлаб чиқариш

88,8

754,01

24.07.2019 й

Ҳар хафтанинг чоршанба кунлари

15,0

2 йил

350

Электротехника ва электрмаиший маҳсулотлар ишлаб чиқаришни йўлга қўйиш, корхонанинг кредиторлар олдидаги барча қарзларини қоплаш

 

Танлов ўтказиш муддати: Талабгорларнинг таклифлари билдирилган конвертларнинг бир нусхаси 2019 йил 24 июл куни, соат 10:00 да, Самарқанд вилоят ҳокимлигида, Кўк-Сарой майдони 1-уйда очилади, танлов савдоси шу куни бўлиб ўтмаган тақдирда такрорий танлов савдолари ҳар ҳафтанинг чоршанба кунлари, соат 10:00 да вилоят ҳокимлигида худудий танлов комиссияси томонидан ўтказилади.

Танлов савдолари натижалари бўйича тегишли баённома имзоланган санадан бошлаб 10 кундан кечикмай олди-сотди шартномаси тузилади. Танловда ғолиб деб топилган талабгор шартнома имзолангандан кейин 30 кун муддат ичида танлов объектини мустақил баҳоловчи ташкилот томонидан баҳолатади, бунда баҳолашга кетадиган сарф-ҳаражатлар танлов ғолиби ҳисобидан амалга оширилади.

Ҳудудий танлов комиссияси кўриб чиқиши учун муҳрлаб қўйилган конвертда танлов таклифини тақдим этган ҳолда танловда қатнашиш учун буюртманома қабул қилиш танлов савдоси ўтказилиши тўғрисида эълон чоп этилган санадан бошланади ва 2019 йил 22 июл куни соат 18:00 да тўхтатилади. Танлов дастлабки савдо санасида бўлиб ўтмаган тақдирда такрорий танлов савдолари ҳар хафтанинг чоршанба кунлари ташкил этиладиган танлов савдоларида иштирок этиш учун тақдим қилинадиган буюртманома ҳар хафтанинг сешанба куни соат 18:00 га қадар қабул қилинади.

Танловда қатнашиш учун талабгор ёки унинг ваколатли вакили шахсан ёхуд почта орқали Давлат активларини бошқариш агентлиги Самарқанд вилоят ҳудудий бошқармаси (танлов комиссиясининг ишчи органи)га танлов тўғрисидаги эълонда белгиланган муддатда танловда қатнашиш учун қуйидаги ҳужжатларни илова қилган ҳолда танловда қатнашишга икки нусхада буюртманома тақдим этади:

юридик шахслар учун – юридик шахснинг низоми ва таъсис шартномаси нусхаси, давлат рўйхатдан ўтказилганлик тўғрисидаги гувоҳномасининг нусхаси, охирги ҳисобот даври учун бухгалтерия баланси ва молиявий натижалар тўғрисидаги ҳисоботи, аудитор хулосаси, хизмат кўрсатувчи банкдан тўловга лаёқатлилиги ҳақидаги маълумотнома, шунингдек тўлиқ ваколатли вакилнинг танловда қатнашиши учун қонун хужжатларида белгиланган тартибда расмийлаштирилган, унинг шахсини тасдиқлайдиган хужжатнинг нусхаси илова қилинган ишончнома;

жисмоний шахслар учун – паспорт нусхаси, яшаш жойидан маълумотнома, тўлиқ ваколатли вакил танловда қатнашган тақдирда, шунингдек қонун хужжатларида белгиланган тартибда расмийлаштирилган, тўлиқ ваколатли вакилнинг шахсини тасдиқлайдиган хужжатнинг нусхаси илова қилинган ишончнома;

талабгорнинг молиявий жиҳатдан тўловга қодирлигини ва (ёки) тегишли тармоқда илгари амалга оширилган инвестиция лойиҳаларини тасдиқловчи хужжатлар (мавжуд бўлган тақдирда);

танлов шартларига мувофиқ тузилган ва қуйидагиларни ўз ичига оладиган икки нусхадаги оғзи ёпиштирилган конвертларга солинган танлов таклифлари:

- инвестиция мажбурияларининг таклиф этилаётган миқдори (суммаси), уларни тўлаш ва бажариш шакли, муддати, ишга тушириш шартлари, яратилиши кўзда тутилган янги иш ўринлари сони;

- бизнес-режа, бажариш муддатлари кўрсатилган ҳолда инвестиция дастури (лойиҳа), янги асбоб-ускуналар, инвентарлар етказиб бериш (агар у назарда тутилган бўлса), унинг технологик параметрлари, замонавий талабларга жавоб берадиган дастлабки қурилиш-таъмирлаш лойиҳалари;

- ишлаб чиқарилаётган маҳсулотнинг режалаштирлаётган ассортименти ва унинг рақобатбардошлилиги, хом ашё, ишлаб чиқариш самарадорлигини ошириш, мавжуд асбоб-ускуналар ва ишлаб чиқариш майдонларидан фойдаланиш тадбирлари, кутилаётган иқтисодий самара, шунингдек сотиш объектини молиявий-хўжалик жиҳатдан соғломлаштириш;

- сотиш объектининг қурилиш ости фойдаланиш майдонини тиклаш ва хизмат кўрсатиш бўйича инвесторнинг бошқа мажбуриятлари ва режалари.

Тақдим этилган хужжатларнинг барча варақлари талабгорнинг муҳри ва (ёки) имзоси билан тасдиқланган бўлиши керак.

Танловда таклиф этилган шартлар доирасида тегишли ҳужжатларни тақдим этган барча жисмоний ва юридик шахслар, шу жумладан, Ўзбекистон Республикаси норезидентлари (хорижий сармоядорлар) қатнашишлари мумкин.

Қўшимча маълумотларни олиш мумкин бўлган манзил: Самарқанд шахри, Мир Саид Барака кўчаси, 49-уй, Давлат активларини бошқариш агентлиги Самарқанд вилоят худудий бошкармаси биноси (хусусийлаштириш бўлими).

Маълумот учун телефонлар: (0366) 237-71-45, (99) 595-55-12

Факс: (0366) 233-73-54. Е-mail: samarqand-gkk@exat.uz, samarqand@davaktiv.uz

Интернет тармоғидаги веб-сайт: samdavaktiv.uz

Ҳурматли тадбиркорлар ва ишбилармонлар!

Танлов савдоларида қатнашиш ёки ҳужжатларни топшириш жараёнида қонун билан қўриқланадиган ҳуқуқларингиз бузилган тақдирда Ўзбекистон Республикаси Давлат активларини бошқариш агентлигининг (0371) 259-21-37 ёки
(0371) 259-20-10 рақамли Ишонч телефонига зудлик билан хабар беришингиз сўралади! Танлов савдоларига марҳамат қилинг!


Киритилган вақти: 20/06/2019 17:32;   Кўрилганлиги: 685
 
Материал манзили: http://samdavaktiv.uz/elonlar/tanlovlar-tenderlar-auktsionlar/diqqat-diqqat-diqqat-barcha-yuridik-va-jismoniy-shaxslar-shu-jumladan-chet-el-investorlari-diqqatiga
Чоп этилган вақт: 11/12/2019 19:56
Ишонч телефони 0 (366) 231-01-30

Йил дастури

Сўровнома

Ўзингиз учун зарур маълумотни олдингизми?

Онлайн тизимлар

 

 

Ўқиш учун ушбу тугмани босинг