Ўзбекистон Республикаси Давлат активларини бошқариш агентлиги
Самарқанд вилоят ҳудудий бошқармаси
w w w . s a m g k k . u z

 

“Каттақўрғон ёғ-мой” акциядорлик жамиятига бошқарув раиси тайинланди.

  Акциядорлик жамияти директорини ёки бошқарув аъзоларини тайинлаш Ўзбекистон Республикасининг “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Қонуни 79-моддаси талаблари бўйича (жамият уставига мувофиқ ёки акциядорлар умумий йиғилишининг ёхуд жамият кузатув кенгашининг қарорига кўра) қоида тариқасида, чет эллик менежерлар иштирок этиши мумкин бўлган танлов бўйича саралаш асосида амалга оширилиши белгиланган. 

   Устав капиталида давлат улуши 50 фоиз ва ундан ортиқ бўлган хўжалик жамиятлари ижроия органи раҳбари ва раҳбар ўринбосари лавозимларига номзодларни кўрсатиш Ўзбекистон Республикасининг Бош вазири ёки унинг тегишли ўринбосарлари ва маслаҳатчилари билан келишган ҳолда амалга оширилади (Вазирлар Маҳкамасининг 2019 йил 26 апрелдаги 356-сонли “Давлат активларини бошқариш тизимини янада такомиллаштириш чора-тадбирлари тўғрисида”ги қарори).
   Юқорида қайд этилган талабларга мувофиқ, “Каттақўрғон ёғ-мой” акциядорлик жамияти кузатув кенгаши қарорига асосан жамият ижроия органи раҳбари лавозимига танлов ўтказилган бўлиб, танлов натижалари бўйича жамият кузатув кенгашининг 2019 йил 24 июндаги мажлисида тегишли қарор қабул қилиниб, келишиш учун Вазирлар Маҳкамасига киритилган.
   Устав капиталидаги давлат улуши 64,92 фоиздан иборат бўлган “Каттақўрғон ёғ-мой” акциядорлик жамияти акциядорларининг 2019 йил 19 ноябрда ўтказилган навбатдан ташқари умумий йиғилиши қарорига асосан Эсанов Ўткир Олимович Ўзбекистон Республикаси Вазирлар Маҳкамаси билан келишилган ҳолда жамият бошқарув раиси лавозимига тасдиқланди.


Киритилган вақти: 25/11/2019 20:34;   Кўрилганлиги: 43
 
Материал манзили: http://samdavaktiv.uz/news/boshqarma-xabarlari/kattaqorgon-yog-moy-aktsiyadorlik-jamiyatiga-boshqaruv-raisi-tayinlandi
Чоп этилган вақт: 11/12/2019 18:50
Ишонч телефони 0 (366) 231-01-30

Йил дастури

Сўровнома

Ўзингиз учун зарур маълумотни олдингизми?

Онлайн тизимлар

 

 

Ўқиш учун ушбу тугмани босинг